Resientemente un grupo di tripulante di e barku LOGOS Hope a hasi un bunita proyekto den Sentro di Detenshon i Korekshon Kòrsou. E proyekto akí tabata enserá ku klientenan di prizòn por a hasi tèst di wowo i tambe risibí un brel di bista gratis. E reakshon bou di klientenan di prizòn tabata hopi positivo i nan tabata gradisido pa e oportunidat ku nan a risibí di por a haña un konsulta pa midi wowo i tambe risibí un brel di bista.
Mas aleu klientenan ku tabata deseá, por a hasi orashon huntu ku algun di e tripulantenan di LOGOS Hope. Tambe na e okashon akí prizòn a risibi un donashon grandi di buki, ku lo keda pone den e biblioteka di SDKK.
Gerensia di SDKK ta sumamente kontentu i gradisido pa e bunita proyekto aki.
