Durante un atardi ameno na Sambil, MCB ta ekspresá gratitut na nos artistanan Morgain Paris; Art Heals Academy i Gregorio “Papy” Adriana, di Adriana Academy ku huntu ku nan studiantenan di arte di pintura a krea un bunita arte riba e panelnan di MCB su Brènch den konstrukshon na Sambil.
Den e último lunanan MCB a informá ku lo habri un Smart Branch na Sambil, ku ta diseñá pa duna servisio ekspeshonal na nos klientenan i lo tin fasilidat inovativo pa hasi transakshonnan bankario mas efisiente i plasentero.
Den e último 4 simannan tur bishitante di Sambil por a tuma nota di un proyekto artístiko kaminda Art Heals Academy i Adriana’s Academy a guia 63 partisipante pa pinta un bunita arte riba e panelnan di konstrukshon di MCB su brènch nobo. E partisipantenan tabata konsistí di mucha for di dos aña, hóben i adulto ku e pashon pa arte di pintamentu.
Pa medio di e proyekto aki MCB ta kontribuí na e dos akademianan pa stimulá kreatividat, komunikashon i desaroyá nan abilidatnan artístiko dor di ofresé nan e posibilidat pa pinta riba e panelnan di edefisio di MCB.
Ku e proyekto aki MCB ta sigui enfatisá su kompromiso ku arte i nos hubentut.
Riba e kombinashon di potrèt por mira un bista promé, durante i final di e proyekto.
