MCB ta kontentu i orguyoso di informá tokante otro inisiativa resien pa mehorá e eksperensia di su klientenan: ku un brènch state-of-the-art na Sambil. E Smart Branch aki ta diseñá pa duna servisio eksepshonal na nos klientenan i lo tin fasilidat inovativo pa hasi transakshonnan bankario mas efisiente i plasentero.
E brènch nobo di MCB na Sambil lo tin mas òf menos 20 kolega dediká, tur ku ta komprometé pa duna un servisio di e nivel mas haltu.
Klientenan ku bishitá e brènch nobo después ku esaki habri, por konta ku varios servisio, inkluso Bankomatiko (ATMs) ku ta ofresé tambe e posibilidat di hasi depósito personal. Ademas, e brènch lo usa un sistema di number modèrno, kaminda klientenan ta tuma un number i warda trankil den un ambiente ameno i artístiko, pues no tin nodi di para den rei.
Pa nos klientenan di negoshi, e brènch ta ofresé nos servisio di deposito 24/7.
Presensia di e brènch ya ta bisto, ku un bòrdji grandi pafó di e edifisio di Sambil, indikando e lokalidat di nos Smart Branch.
Nos lo sigui informá mientras e fecha di apertura di e brènch ta aserká den e último kuartal di e aña aki. Maduro & Curiel’s Bank ta kontentu di por kontinuá ku nos trayekto di inovashon i ekselensia, semper poniendo nos klientenan na promé lugá.
