Resientemente, Maduro & Curiel’s Bank den kolaborashon ku Sentoo, a organisá un seminario ku desayuno titulá “Maksimalisá e potensial di bo negoshi”, kaminda mas ku 100 doño di negoshi chikí i empresarionan tabata presente. Ku e evento aki MCB tin komo meta pa eduká empresarionan tokante solushonnan di pago inovativo, spesialmente riba e metodó di pago Sentoo.
E evento a tuma lugá na MCB su brènch na Rooi Catootje, i a brinda un plataforma pa establesé kontakto i siña. E oradó prinsipal di e mainta señor Vincent van Rutten, e kofundadó di Sentoo a enfatisá e importansiá di adoptá teknologia di pago moderno pa mehorá efisiensia empresarial i satisfakshon di kliente. Van Rutten a para ketu riba e diferente aplikashonnan di Sentoo ku ta disponibel, manera pa “e-Commerce” i pago den e tienda, e aplikashon Sentoo.me pa empresanan kual por prosesa petishon di pago instantáneo i “QR-code”.
Durante di e presentashon empresario Gayle Sulvaran di Cheesecakes i Clayton Lasten di Bario Hotel and Food yard ku a integrá e metodó di pago Sentoo ku éksito kaba den nan negoshi a kompartí nan ekspersiensia ku e empresarionan presente.
Nan a enfatisá e benefisionan di adopshon di inovashon, kual ta adelanto den speed di transakshon, mas siguridat i mehoransa di eksperensia di e kliente.
Despues di e testimonionan di e dos empresarionan, tabata tin un seshon di pregunta kaminda a duna oportunidat pa esnan presente pa hasi pregunta
“Nos ta enkantá ku e partisipashon i entusiasmo mustrá di e partisipantenan”, palabranan di señor Remco Meulens Assistant Mangaging Director di MCB enkargá ku Business Banking. Señor Vincent van Rutten di Sentoo ta añadí: “e komentarionan positivo ku nos ta risibí ta konfirmá ku e doñonan di negoshi ta ansioso pa siña i adaptá na formanan nobo i mas rápido pa risibí pago.
E éksito di e evento “Maksimalisá e potensial di bo negoshi!” ta marka un punto di referensia signifikante den e esfuersonan kontinuo di MCB pa duna apoyo na empresarionan chikí dor di edukashon i inovashon. E dos organisashonnan ta spera di organisá eventonan similar den futuro, fomentando un komunidat di empresario ku un vishon pa futuro kla pa adoptá e último teknologia di pago.
Pa mas informashon di MCB i Sentoo bishitá https://www.mcb-bank.com/business/support-services/sentoo-for-your-business
