Durante un konferensia di prensa, Strides for Smiles Foundation a anunsiá e di dos edishon di e kaminata aki. Strides for Smiles ta un kolaborashon úniko entre Ronald McDonald House Charities Curaçao, Children’s Museum Curaçao i Prinses Wilhelmina Fonds Curaçao, ku orguyosamente ta wòrdu sostené pa su spònser prinsipal Maduro & Curiel’s Bank (MCB). Despues di e gran éksito di aña pasá, e organisashonnan lo bolbe uni forsa ku e mesun mishon: pa promové bienestar di mucha, duna sosten na famianan, mehorá e aksebilidat na servisio di kalidat i fortalesé e sintimentu di komunidat na Kòrsou.
E di dos edishon di Strides for Smiles, ku MCB komo spònser prinsipal, lo tuma lugá djadumingu 1 di yüni 2025. E evento ta un kaminata pa famia di 5 kilometer ku ta kuminsá i termina na Sambil Mall i ta pa partisipantenan di tur edat. E no ta solamente un kaminata – e ta un eksperensia yen di bida, ku stèntnan kolorído, aktividatnan interaktivo i e “Experience Partners” lo sòru pa èkstra ambiente i sorpresa riba e ruta, tur ku e meta pa yuda un bon kousa. Aña pasá partisipantenan a keda sorprendé ku e momentunan inolvidabel durante e kaminata. E edishon di e aña aki tambe ta prometé di bira un momentu inolvidabel!
Strides for Smiles ta invitá henter komunidat pa partisipá. Laga nos kana huntu pa un mihó futuro pa nos muchanan i famia – kada paso ta konta pa un sonrisa.
Pa mas informashon i pa registrashon, sigui nos medionan sosial, scan e QR code òf bishita www.stridesforsmiles.com.
