Minister di Asuntunan General enkargá ku Agrikultura, Medio Ambiente i Naturalesa señor Gilmar Pisas durante un reunion ku miembronan di Federashon Kooperativanan Uni di Produkshon (FKUP), a risibí for di señor Ludson Lucas presidente di FKUP, un plan integral di desaroyo di e sektornan di agrikultura, krio di bestia i peska. E plan aki a keda formulá for di un reunion general di 8 kooperativa kaminda a trata 13 punto di valides ku ta karga e totalidat di interés di e sektornan.
Minister Pisas durante e reunion a mustra ku e ta satisfecho ku na final e fundashon a presentá un plan integral i ku ta karga sostén di tur e miembronan. Minister a indiká tambe ku e ta elogiá e union di kooperativanan pa asina sigui fortalesé e sektor kual ta di sumo importansha pa nos seguridat alimentisio. Ya a prepará i implementá diferente proyekto di sektor agrario di Ministerio di GMN ku lo stimulá e sektornan aun mas. Riba potrèt por mira momentu ku señor Ludson Lucas di FKUP ta hasi entrega ofisial di e plan integral na Minister Gilmar Pisas.
