QMQ Organization ku orguyo ta presentá un di su pilarnan fuerte ku ta Miss Teenage Curaçao bou di maneho di Edmee Haard Statia i Rodney Aniceto komo e direktornan nobo.
Tur kos ta kla pa presentá e ocho hóben damanan ku ta den kontienda pa Miss Teenage Curaçao 2024/2025. Manera a informá pueblo di Kòrsou djarason 29 di yanüari 2024 a ofisialisá via medionan di komunikashon/sosial ken ta e ocho partipantenan ku ta bai kompetí den e di tres edishon di Miss Teenage Curaçao.
QMQ Organization bezig ku un evolushon total, tresiendo kambionan super posítivo pa sigui hasi e sertámen aki grandi. Miss Teenage Curaçao ta un di e sertámennan lokal mashá gustá bou di e hóbennan di Kòrsou. Un sertámen ku a for di su inisio a demostrá, elegansha, glamur, inteligensha i un nivel haltu den tur su produkshonnan.
Pa e di tres edishon, esakinan lo no ta diferente.
E tim di QMQ Organization a traha hopi duru pa presená pueblo di Kòrsou 8 hóben dama hopi bunita. Aparte ku e hóben damannan aki ta bunita, nan ta bon prepará pa e sertámennan ku ta na kaminda.
E aña aki QMQ Organization ta presentá tres diferente show.
Miss Teenage Press Curaçao 2025, Beyond Beauty: The Evolution Competition i e gran final Miss Teenage Curaçao 2025. Segun nos ta yegando fecha di e sertamennan nos lo sigui informá pueblo di Kòrsou.
Ku sumo pláser QMQ Organization ta presentá su ocho beyesanan; Angelly Virginia, Cheralline Pantophlet, Der-ëangely Pieter, Laïs Braaf, Melysa Pengel, Sherily Silié, Tesselly Chirino Ortega i Thalina Gil.
Alabes ta invitá boso pa dia 8 di febrüari 2025, ora e ocho partisipantenan kompetí den e promé sertámen ofisial di QMQ Organization ku ta Miss Teenage Press Curaçao 2025.
