Tin bastante trabou ora ta traha un bebida na Starbucks i e baristanan di Starbucks ta elaborá kada un na perfekshon. Sea ta un èsprèso, un latte, cappuccino òf un flat white, tur bebida ta wòrdu trahá ku pashon dor di baristanan ku tin e orguyo pa demostrá nan abilidat i asina elevá eksperensia di kliente i tambe kalidat di e produkto.
E luna aki mas di 2,000 barista di Starbucks for di 16 diferente pais den Latinoamerica i Caribe lo partisipá na e kompetensia ‘Regional National Starbucks Barista Championship’, di kual e promé etapa ta tuma lugá den e propio establesimentu pa despues pasa p’esun regional i finalmente na nivel Nashonal. 23 barista Champion- representando e mihó di e mihónan- for di Starbucks LAC Latinamerica & Caribe tin e oportunidat pa kompartí nan pashon pa e produkto, kalidat i arte di barista na e di 9 edishon di e Barista Championship Experience, ku e aña aki lo tuma lugá na Hacienda Alsasia na Costa Rica di 11 pa 15 di Novèmber próksimo.
Kòrsou lo ta bon representá na e Barista Championship dor di su propio kampion lokal, Norenis Overman, Barista na Starbucks Renaissance Mall. Norenis tin 7 aña laborando na Starbucks, su bebida faborito ta e ‘White Mocha’ ku kané sin ‘whip’. Loke mas e ta gusta di su trabou ta, ora ku klientenan dun’e kòmplimènt. Esaki ta impulsá kombersashonnan spontáneo ku semper ta kai na agrado.
Baristanan ta un parti esensial dje éksito di Starbucks, e kompetensia di Barista di LAC ta un plataforma pa mustra nan talento i pashon pa kòfi,” asina Sra Wanda Broeksema, District Manager di Starbucks Aruba & Curaçao a splika. “A traves di e kompetensia aki nos baristanan ta ekspresá i praktiká e mishon di Starbucks: Pa konektá ku nan klientenan i komunidat durante kòmbersashonnan ku kada kòpi di kòfi ku wòrdu trahá dor di nan barista preferí.
