E siman akí, Kòrsou ta para en grande ketu na temanan manera kolaborashon internashonal, energia renobabel i akshon pa klima. Riba djaluna 26 di mei 2025, a tuma lugá inisio di e Caribbean Climate & Energy Conference (CCEC) 2025 kaminda e kuater paisnan den Reino Hulandes di un forma spesial a presentá nan plannan konhunto pa klima. Tambe a revisá progreso di e Agènda di Reino.
Durante di e enkuentro, Promé Minister di Kòrsou. Sr. Pisas, i e Minister Hulandes pa Klima i Kresementu Bèrdè, Sra. Sophie Hermans, a ekspresá nan konfiansa den e aserkamentu konhunto. E ambiente tabata konstruktivo i ambisioso, un señal kla i raspá ku e paisnan den Reino ta dispuesto pa traha huntu i asina kombatí e retonan ku tin di haber ku nos klima.
Mas den oranan di anochi, a habri ofisialmente e parke di bientu nobo na Koraal Tabak. Ku e proyekto akí, Kòrsou ta dal un paso fuerte den direkshon di un futuro mas sostenibel.
Awe i mañan, 27 i 28 di mei, e konferensha ofisialmente lo tuma lugá na Renaissance Hotel. Minister- i delegadonan di mas o ménos dies pais ta presente pa kompartí konosementu, eksperensia i vishon pa futuro riba resiliensia di klima i energia renobabel den Karibe.
Pa mas informashon bishitá https://ccec.global/.
