QMQ Organization ku bista riba eduká, prepará i forma paretispantenan, e aňa aki a plania un agènda super great pa ku e partispantenan. Esaki ku meta pa e partispantenan por siňa konosé otro mas mihó i kompartí momentunan dushi ku otro ku despues nan lo keda ku e bunita rekuerdo di e dushi temporada.
Dia 9 di mei, QMQ Organization a organisá un dushi anochi di bowling. Aki e 8 beyésanan kompaňá ku reinanan saliente, media tim i miembronan di organisahon a disfrutá di un anochi di bowling super interesante i mas ku klaro ke bista pa sosialisá ku otro. E 8 beyésanan a demostrá nan abilidat riba e area di hunga bowling tambe. E anochi a kana masha dushi, ku hopi sakamentu di potrèt, selfie i kòmbèrsashonnan ameno.
Aparte di sosialisá, trabounan ta sigui pa nos 8 beyesanan. Dia 13 di mei último, e hóbennan a eksperienshá nan último sekshon di potrèt pa e temporada aki. Den un bunita produkshon produsí i dirigí pa Edmee Haard Statia e beyésanan a lusi nan trahenan di baño i asina laga e mihó imágennan pa fotógrafonan ofisial di QMQ Organization. Choco Photography i ZVCK Multimedia a hasi un tremendo trabou.
25 di mei e beyésanan a kuminsá nan dia ku un santu sakrisio di misa di Suffisant, despues pa nan bai hasi un tour super interesante na Amazonia. Despues di e tour nos beyésanan por sinta kome i bebe algu den e bunita paisahe di Amazonia. QMQ Organization ta gradesí Gerensha i pèrsonal p’e bunita trato risibí.
QMQ Organization ta gradesí Saintz Tropez pa por a habri nan portanan i laga nos tim i e 8 beyésanan sinti nan na kas.
Akitividatnan ta sigui pa ku e beyésanan. 18 mei tabata e último aktividat ku QMQ a organisá pa e hóbennan. Mirando ku pa kasi 2 luna e hóbennan aki a pasa den prueba i trabounan intenso, a organisá un tremendo pool day. Aki e hóbennan por tabata liber i nan a gosa un bòl dje dia aki. Pa por a hasi e aktiviadat aki posibel QMQ Organization mester gradesí Winston Valley Resort Curaçao ku a habri su porta nan pa nos hóbennan por a disfrutá dje dia.
QMQ Organization ke a yama danki na tur sponsor pa konfia den nos organisashon.
