Konforme artíkulo 15 insiso 4 di Lei Elektoral, Konseho Supremo Elektoral ta partisipá ku djaweps 23 di yanüari 2025 ta dia di Postulashon di Kandidato pa elekshon di miembronan di Staten ku ta tuma lugá dia 21 di mart 2025.
Sigun artíkulo 15 insiso 1, riba dia di Postulashon di Kandidato (23-01-2025), agrupashonnan polítiko por entregá nan lista di kandidato na Konseho Supremo Elektoral di 9or di mainta te 4or di atardi. Pa hasi esaki mester hasi uso di formularionan ku ta optenibel na Konseho Supremo Elektoral. Por optené e formularionan via email [email protected]. No tin mester di paga pa e formularionan.
Artíkulo 15 insiso 2 ta stipulá ku entrega di lista di kandidato mester tuma lugá personalmente dor di un persona ku ta kualifiká pa partisipá na elekshon di 21 di mart 2025.
Pues, Entrega di Lista di Kandidatonan ta tuma lugá dia 23 di yanüari 2025, di 9or pa 4or na Scharlooweg 11.
