Grupo di seú He Chu Chu a presentá su trahe pa ku seú 2025… “AWA KU PARA KETU TA BOMBA”
Kultura mester keda bibu i sigui krese, i p’esei mes nos mester gatia pa kana. Mester subi pa yega. Mester traha pa logra; nos no por sinta mas, ta ideanan huntu ta yega na union pa krea i logra metanan grandi. Si bo no puntra bo no ta sa. P’esei Grupo di seú He Chu Chu a pone kabes huntu pa ban selebrá logronan grandi.
Pidiendo shon grandi bendishon, nos ta subi kaya pa lusi i tene nos kultura bibu i sigui engrandesé kultura di Kòrsou ku e tema di trahe “Awa ku para ketu ta bomba”. E diferente kolónan di blou ta reflehá nos awa i e blanku ta e pas ku Kòrsou mester keda traha p’e.
Trahe ta diseñá pa Eugenie Florentina i kosé pa EF Creation.
