Resientemente Curaçao Youth Chess Institute a organisá su kompetensia eskolar di ahedres anual pa alumnonan ku ta bishitá skol di fundeshi. Kontrali na añanan anterior, no a organisá e torneo eskolar pa alumnonan di skolnan di fundeshi i skolnan avansáa apart riba mes dia, mirando e kantidat kresiente di e partisipantenan i retonan organisatorio ku ta kompañá esaki.
Na e torneo eskolar 2024 pa skolnan di fundeshi a partisipá 81 alumno di 16 diferente skol. Esaki ta nifiká un kresementu supstansial di tantu kantidat di partisipante i tambe di skol.
E hóbennan a batayáa fuertisimo durante 5 buelta segun e sistema suiso i e resultado di weganan a mustra un diferensia di skor mínimo na final. Segun e sistema suiso e partisipantenan ku ta gana ta keda enfrentá otro i e meta ta pa trata di keda ariba na final.
Durante seremonia di klousura di e torneo, sr. Paulus Berkenveld presidente di Federashon di Ahedres Kòrsou a entregaá premionan na e ganadornan overall. E mihó damitanan i mihó mucha hòmbernan den e kategorianan di edat U8, U10 i U12 tambe a risibí medaya.
Mester a aplika sistemanan di tie-break den pa por a saka e siguiente resultadonan:
Skolnan di fundeshi overall:
- Liana Pieter – Prins Bernhardschool 5 pto Tie-break 10
- Jie Peng Wu – Marnixschool 5 pto Tie-break 9
- Xavier Archangel – Vigdis Jonckeer Mensing College 4.5 pto
Damitanan ku a gana medaya den nan kategoria di edat:
U8 Zayra Rico – Albert Schweitzer
U10 Ceanna Paris Hodge – Albert Schweitzer
U12 Fabianny Costa – Goiloschool
Mucha hòmbernan ku a gana medaya den nan kategoria di edat:
U8 Oscar Matthijsen – Albert Schweitzer
U10 Christopher Bonifacio – Marnixschool
U12 Kush Batia – Römerschool
