Na fin di sèptèmber, Renaissance Wind Creek Curaçao Resort Resort a rekonosé servisio ekselente di miembronan di ekipo, supervisor i manager p’e di dos kuartal di 2024. Kada kuartal Wind Creek Curaçao Resort ta rekonosé kontribushonnan di e tim ku a demostrá kompromiso i dedikashon den nan trabou aplikando e 5 balornan di Wind Creek Hospitality. E nominadonan i nan lidernan a wòrdu yamá bon bini dor di miembronan di e team ehekutivo i gerensia. Tabata un evento ku hopi emoshon. Tur nominado a wòrdu evaluá dor di gerensia pa nan kontribushon balioso. Masha pabien n’ ganadornan basá riba e balornan: “Enfoke pa Huéspet” (Guest Focus): Riangelo Jansen di departamento di Guest Experience, tambe Belsa Rivera di F&B pa “Inspirá i Empoderá” (Inspire & Empower), Jessica de Palm di Accounting pa “Hasié Korekto, Sea e Mihó, Dibertí” (Do It Right, Be the Best, Have Fun), Delgado Reymond di Accounting pa “Kompromiso i Entusiasmo na e Propósito” (Enthusiastic Commitment to the Purpose) i finalmente Herbert Castillo di Management Support pa “Liderazgo” (Leadership). Mester menshoná ku e tòp 3 kandidatonan pa e diferente balornan tabata hopi serka di otro i tabata un trayekto pèrtá.
Angelo Martes, Direktor di Rekurso Humano a dirigí su mes n’e tim bisando, “Nos ke ekspresá nos gratitut na tur hende ku a tuma e tempu pa nominá un miembro di tim òf lider. Tambe, nos ta sumamente agradesido na tur e ganadornan i e tòp 3 nominadonan den kada kategoria di balor. Pabien na tur ganador i nos ke inspirá boso pa sigui ta e mihó den boso trabou. Kada un di boso ta un berdadero defensor di e balor ku boso a wòrdu skohé komo ganadó di dje. Masha pabien!” E rekonosementu “Best Of The Best” ta den liña ku e filosofia korporativo pa honra e ‘Mihó di e Mihó’ den e 5 diferente balornan kada kuartal, rekonosiendo i rekompensando prestashon ekselente. E tim di maneho di Wind Creek Hospitality ta balorá e pashon di tur su empleadonan i ta rekonosé trabou ekselente di lidernan ku ta traha di akuerdo ku e filosofia di empresa. Renaissance Wind Creek Curaçao Resort i Wind Creek Hospitality ta felisitá tur kolega ku a sobresalí den e di dos kuartal di 2024. Masha pabien!
