Djárason, 28 di mei 2025, Sentro di Detenshon i Korekshon Kòrsou a hasi un bunita gesto na kas di hende grandi Nos Lanterno.
Esaki ta den kuadro di Dia Tata, nos klientenan di Confectie (kosémentu) a traha diferente petchi, ku lo bai keda dekorá pa e tatanan kliente di Nos Lanterno.
Na e okashon akí sra. Marsha Sirvania komo Werkmeester ku a guia henter e trayekto akí i sr. Jabets Pinedo komo Bosero di SDKK a hasi entrega ofisial di e petchinan na zusternan Pieternella i Jamanika di Nos Lanterno.
Gerensia di SDKK na nòmber di nos klientenan ta sumamente kontentu di por a kontribuí ku kas di hende grandi Nos Lanterno.
