Resientemente, Wind Creek Curaçao a honra su ganadónan di promé kuartal Best of the Best pa 2025, esaki a tuma lugá durante un evento den ‘ballroom’ di Renaissnace Wind Creek Curaçao Resort. E evento tabata bon bishitá kaminda tur nominado, nan lider- i miembronan di e tim ehekutivo tabata presente. E programa ‘Best of the Best’ ta un programa na unda tantu miembronan di tim komo lidernan ta wòrdu enkurashá pa nominá otro koleganan ku ta biba e balornan di Wind Creek Curaçao den sinku kategoria.
Wind Creek Curaçao ta kere den e poder di rekonosementu, esaki ta pa duna bida na e propósito ku ta inkluí un sentido di pertenensia i importansia entre miembro nan di tim. Rekonosementu ta yuda reinforsa e importansia di e kontribushon di kada miembro di e tim.
E ganadónan di e kuartal aki den kada kategoria ta:
‘Guest Focus’: Jorge Gomera –Nautilus Restaurant; ‘Do it right, be the best, have fun’: Martina Gomera – Kushina; ‘Inspired and Empowered team members’: Daynalisa Bacuna – F&B General; ‘Enthusiastic commitment to the purpose’: Rania Pater – Rekurso Humano i finalmente den kategoria ‘Leadership’: Ivoiree Pinedo – Infinity Beach Club. Tur ganadó a sobresalí den nan kategoria, i tabata un kompetensia fuerte manera kustumber. Un pabien na tur nominado i tur e ganadonan! Bo kompromiso i dedikashon balioso ta un berdadero inspirashon, hasiendo Wind Creek Curaçao un organisashon kaminda ekselensia ta prosperá. Angelo Martes, direktor di Rekurso Humano a indiká di ta orguyoso di tin un tim asina maravioso i ku kada dia ta komprometé ku e propósito di e kompania i ta mihó enfoká riba tur huéspet ku ta bishita tur e kompanianan di Wind Creek Curaçao.
