Resientemente Wind Creek Curaçao a honra miembronan di su tim ku a selebrá 5, 10 òf 15 aña durante e último seis lunanan. E okashon aki a tuma lugá durante un evento den Atrium na unda ku 13 miembro di e tim ku a selebrá nan 5 aña-, 5 miembro ku 10 aña-, i 13 miembro ku ta selebrá 15 aña di servisio a bini huntu ku gerensia, pa selebrá e gran logro aki. Notabel ta ku e gran mayoria di 15 aniversario ta keda reflehá tantu den e parti di hotèl komo casino, demostrando nan kompromiso desde apertura di e hotèl i e casino respektivamente.
Durante e mèrdia di selebrashon gerensia di Wind Creek Curaçao a gradisí kada miembro di su tim personalmente miéntras ku nan tabata risibiendo nan rekonosimentu. Traha na Wind Creek Curaçao ta nifiká ku bo ta parti di un tim kaminda kada miembro ta wòrdu balorá, loke ta permití nan pa duna e mihó servisio.
E tim di maneho ta mantené un nivel haltu den evaluashon di empleado, segurando ku tur miembro di su tim ta wòrdu rekonosé pa nan kontribushon i dedikashon. Wind Creek Hospitality su vishon i balornan ta sentrá riba su empleadonan, i ta orguyoso ku nan tin un kantidat supstansial di miembronan di tim ku ta keda leal na su mishon i kultura.
