Banda’riba ta un área grandi i nos ta konsiente ku hopi hende tin hopi abilidat sinembargo miedu pa komuniká ta un barera pa nan desaroyo personal i profeshonal. Baden Powell Toastmasters Club ke yuda kibra e barera aki i duna bo e hèrmèntnan nesesario pa bria.
Speechcraft – Laga e presentadó den bo bria (Unleash the Speaker in You) ta un programa di 6 siman kaminda lo bo siña entre otro:
– Kon skirbi un diskurso ku propósito
– Kon usa bo bos ku efektividat i variashon vokal
– Gestonan pa duna mas impakto
– Kon evaluá i duna fitbèk útil riba un diskurso
E mihó parti ta, ku tur kos ku bo ta siña, bo lo pone den práktika mesora i risibí fitbèk inmediato pa bo por sigui mehorá.
Pa solamente Cg 99,50, bo ta hasi un invershon den bo bida personal i profeshonal. Den 6 siman lo bo ripará un kambio real ku mas konfiansá i siguransa den bo mes na momentu di presentá i papia den grupo òf públiko kual ta abilidatnan ku bo por usa pa ta mas fuerte na kas, trabou òf den un organisashon.
Nos ta start dia 26 mei 2025 riba tur djaluna te ku 30 yüni 2025 di 7-9pm na Sentro di Bario Sta. Rosa. Kordinadonan di e proyekto aki ta Sr. Francis Angelica i Sr. Regis Mercera.
Pa inskripshon i mas informashon por whatsapp Sra. Laurella Martis +5999 5137250.
Por bishitá nos página di Facebook òf Instagram: Badenpowelltmc pa mas informashon.
