Djamars último mundu henter a opservá Dia di Tera (Earth Day) i miónes di hende a tuma akshon i a konsientisá p’e nesesidat pa protehá e rekursonan natural pa futuro generashon. Starbucks a selebrá Dia di Tera i Luna di ‘Bon Inisiativa’ ku un mini tayer di ‘Art Journaling’. E evento a wòrdu diseñá pa enkurashá kreatividat i konsientisashon, ofresiendo partisipantenan un chèns pa eksplorá téknikanan di arte den un ambiente relahá i enfoká riba komunidat. E tayer tabata un éksito, reflehando e entusiasmo pa inisiativanan sostenibel i artístiko.
‘Art Journaling’ ta un hèrmènt hopi efektivo pa konektá e loke bo ta pensa i e loke bo ta sinti na otro. E tayer a keda duná dor di sra. Saskia di ‘Peace Of Art’. Durante ‘Art Journaling’ e partisipante ta keda enkurashá pa di un manera kreativo i ku ta kuadra ku bo beis, ekspresá su mes. Pone tur idea, pensamentu, emoshon, i detayenan di bida diario huntu – hasiendo arte.
E evento ta parti di e kompromiso mas amplio di Starbucks pa ku responsabilidat ambiental i sosial di e marka. Konekshon ku naturalesa i tera por mehorá salú mental di e hende. Esaki ta aliñá perfektamente ku e mishon pa inspirá i alimentá e spiritu humano—un kliente, un kòpi di kòfi, i un komunidat kada momentu. Riba kombinashon di foto por mira parti di e tayer ku a tuma lugá na Starbucks resientemente.
