Djasabra 3 di mei den un sala yen di fanátiko, invitadonan spesial i tur e patrosinadónan na Hacienda “La Olivia”, pueblo di Kòrsou i miembronan di prensa a sera konosí ofisialmente ku e 8 partisipantenan pa Miss Curaçao Teenager 2025 i tambe a introdusí e dos inlfuencernan di e temporada ku ta Keanu Passial i Shekinah Maxi Mejia.
Riba e anochi aki e partisipantenan a skohe nan number ofisial pa e temporada aki. E numerashon a resultá:
1. Antuanette Simmons
2. Beyoncé Lourens
3. Delisha Albertus
4. Zaryviona Franca
5. Chantee Celestijn
6. T’aeësha Josephina Daal
7. Carolay Marlin
8. Ryhanna Lake Kastaneer
Durante un kòmbèrsashon previo ku miembronan di prensa, a wòordu skohé komo Miss Curaçao Teenager Press 2025 partisipante #6 T’aeësha Josephina Daal, komo promé finalista #7 Carolay Marlin i segundo finalista #1 Antuanette Simmons.
Ta importante enfatisá ku e vishon di IBFF ta pa eduká hóbennan ku un imagen fresku i natural ku un beyesa interno i no solamente esun fisiko.
Preparashonan ta sigui pa dia 1 di yüni próksimo partisipantenan kompetí pa e siguiente titulonan den Gala of Beauty na Auditorium di World Trade Center Curaçao.
Kòrda sigui medionan sosial di IBFF riba Facebook i Instagram pa asina bo por keda na altura di tur desaroyo di e sertamen di mas grandi di hubentut aki na Kòrsou.
International Beauty and Fashion Foundation ta gradisi tur nos Main Partners, Partners i Kolaboradónan i hinter e ekipo tras di e MCT ku ta sostené e proyekto edukativo aki tur aña di nobo, nos ta apresiá esaki i nos lo keda hasi nos máksimo pa nos hóbennan sigui destaká!
