Djaweps 29 mei den WTC sala di ouditorio a tuma lugá elekshon di Miss Teenage Curaçao 2024/2025. Riba e fecha ariba menshoná, Amanda Verkerk a koroná su siguiente susesor ku ta Thalina Gil.
Den un sala repleto di famia- i fanátikonan, Maestronan di Ceremonia, Dany Balentien i Valery van Heydoorn a inisiá e bunita show di beyesa aki.
E talentoso hoben Jean Max Rondei tabatin na su enkargo intepretá nos himno pa asina e anochi di gala i glamur por a kuminsá. Ku un bunita opening, protagonisá pa nos 8 beyésanan, huntu ku nos Miss Teenage saliente Amanda Verkerk i grupo di baile Explotion Dancers a inisiá e bunita anochi di gala i glamur.
Durante e anochi aki e partisipántenan tabatin un total di tres presentashon ofisial, kaminda nan a demostrá e kuerpo di hurado nan abilidatnan pa presentá dilanti di públiko.
Nan promé presentashon tabata den trahe uniformá. Aki kada partispante a introdusí nan mes i bisa nan slogan ku nan a bin ta karga ku hopi honor.
Di dos presentashon tabata den trahe nan di baño patrosiná pa Be Beautiful Boutique i nan tres i último presentashon tabata e presentashon ku tur hende tabata spera. E 8 beyésanan den trahe di gala.
Aki a 8 beyésanan a demostrá nan elegansia riba esanario di WTC. Despues di kada presentashon, kuerpo di hurado a hasi nan votashon i entregá esaki mesora na asistente di hurado pa por yega na e ganadó di e premionan spesial den kada kategoria.
A yega e momentu ku mester redusí e grupo di 8 den 5 finalista. E 5 finalistanan ku ta pasa pa e ronda di pregunta final. Aki kada partispante a skohe serka un representante di QMQ un pregunta. Kada unu a haña 1 minüt di tempu pa por kontestá nan pregunta. Promé ku nos yega na e desishon final, nos tòp 5 a hasi un final walk, asina e kuerpo di hurado por husga e International look. Pa asina por konosé ken ta bira e ganado absoluto huntu ku su finalistanan.
Miemtras ku públiko tabata warda resultado final, den un momento hopi emoshante, nos Miss Teenage 2023, Amanda Verkerk a despedí di su titulo i gradisí famia, amistat i QMQ Organization pa su añanan di reinado.
Despues dje emotivo mensahe di Amanda Verkerk, asistente di hurado a subi esenario i hasi entrega di e ènvelòp ku ta kontené e resultado tan sperá:
MTC 4th Runner Up 2024/2025 ta Sherily Silie.
MTC 3rd Runner Up 2024/2025 ta Lais Braaf.
MTC 2nd Runner UP 2024/2025 ta Melysa Pengel.
MTC 1st Runner Up 2024/2025 ta Angelly Virginia.
Miss Teenage Curacao 2024/2025 ta Thalina Gil
Aki ta sigui nòmber dje
MTC Congeniality Melysa Pengel
MTC Photogenic Sherily Silie
MTC Internet Der-Eangely Pieter
MTC Disiplined Cheraline Pantophlet
MTC Popularity Lais Braaf
MTC Most Beautiful Legs Melysa Pengel
MTC Most Beautiful Skin Thalina Gil
MTC Most Beautiful Face Melysa Pengel
MTC Most Beautiful Hair Melysa Pengel
MTC Most Beautiful Smile Angelly Virginia
MTC Best Body Melysa Pengel
MTC Elegance Angelly Virginia
MTC Evening gown Angelly Virginia
MTC Best Interview with the judges Thalina Gil
QMQ Organization por wak bèk riba un temporada eksitoso, huntu ku un bon tim a logra e tres sertámennan ku ta tras di lomba ku éksito. Danki na tur spònser ku a kontrubuí ku QMQ Organization i ku e partispantenan. Ku bista riba 2026 nos ta ban pa mas éksito!
