Den un desenlase emoshonante di e di dos edishon di Torneo Survival, organisá pa klup di ahedres Capablanca, finalistanan Vaibhav Bedi i Kyle Vervuurt a enfrentá otro den di nuebe i último buelta.
E partido a kana hopi pareu fo’i komienso te final. E úniko diferensha notabel tabata den tempu pa pensa. Kyle tabatin menos tempu riba su oloshi, pero apesar di esaki, el a hunga fuerte i ku determinashon.
Na un momentu krusial, Kyle a lubidá di primi su olshi, loke a kosté algun minüt balioso. Un ratu despues, Kyle a kometé un eror ku finalmente a poné pèrdè e wega.
Ku e viktoria aki, Vaibhav a tèrminá na promé lugá. Kyle, ku a gana e promé edishon na 2024, a keda awor na di dos lugá. Vaibhav Bedi a risibi e kopa rotativo i diferente premio ku Right Side Carrental a pone na disposishon pa e ganadó.
Ku nan akshon fuerte, e dos finalistanan a demostrá ku Torneo Survival ta un kompetensia pa e luchadónan mas insistente.
