Whitney Ribeiro a gradua den Geologia i Biologia

0
3

Whitney Ribeiro BA (21) resientemente a gradua komo Bachelor den Geologia i Biologia na Brown University na Providence, Rhode Island na Merka i ta bai sigui spesialisá mesora den paleontologia na Paleontological Research Institution. Esaki ta e studio di historia di bida na mundu basá riba informashon ku ta haña den fòsil ku ta restunan di mata, animal, beskèin, bakteria i bida di un selula, kualnan a keda remplasá pa pieda òf impreshon òf organismonan preservá den baranka.

Brown University ta un universidat privá di investigashon di Ivy League. E ta e di shete institushon di mas bieu di edukashon haltu na Merka, fundá na 1764 komo College in the English Colony na Rhode Island i Plantashonnan di Providence. Paleontological Research Institution ta persigui i ta integrá edukashon investigashon i ta interpretá historia i sistemanan di tera i bida di tera, pa oumentá konosementu, eduká sosiedat i enkurashábon atministrashon di Mundu.

Whitney a graduá na mei 2020 na International School of Curaçao i a risibí e mesun aña ei e Mercedes Winkel Service Award pa trabou boluntario den komunidat di Kòrsou.

Durante di su estudio na Brown University su resultadonan tabata asina bon ku ya kaba e por a kuminsá traha komo asistente di direktor di e Insituto di Investigashon Paleontólogiko na Ithaca, New York.
Esaki di mes ta dunando e mas oportunidat pa sigui spesialisá riba e nivel sientífiko aki.

Riba e potrèt por mira Whitney Ribeiro dia ku el a gradua e.o. huntu ku su mayornan, welanan i ruman.

LEAVE A REPLY

Please enter your comment!
Please enter your name here