Ofishalmente Xavern “X-ATE” Ellis, ta forma parti di e frònt di Allure Elite.
Xavern no ta un deskonosí den farándula, mirando ku el a militá den Originales i na 2018 e a muda bai biba Sint Maarten, kaminda e tabata move ku Control Band i a saka 2 piesa.
Na 2023 el a bin bèk Kòrsou i a saka su propio piesa na 2024 ku yama “Kontrolá mi mente” i resientemente a partisipá na Festival Kantadó Mayó 2025.
Apesar ku Xavern ta un adishon nobo den e frònt, tin un kantante ku a bin kas bèk i ku pronto nos lo anunsiá esaki tambe.
Pues Allure Elite ta bezig ta adaptando sierto kambionan pa asina nan por duna un granito, na engrandesé nos farandula!
