Na unda tur e akadémikonan/investigadónan prosedente di nos islanan ta? Esaki ta e pregunta ku ta pará sentral den e proyekto ‘Mapping the Caribbean Researchers’, un proyekto na enkargo di Ministerio di Asuntunan Interno i Relashonnan den Reino (BZK).
E meta di e proyekto aki ta pa identifiká i lokalisá personanan ku ta laborá den e área di siensia i investigashon sientífiko relatá na òf riba e islanan ABCSSS (Aruba, Boneiru, Kòrsou, Sint Maarten, Sint Eustatius i Saba), tantu lokalmente komo den diaspora.
Hopi studiante prosedente di nos region ta bai studia na otro pais i despues ta krea un karera den mundo sientífiko. Algún ta bin bèk na nan isla, mientras ku otro ta kontribuí for di eksterior. Pero ken nan ta? Den kiko nan ta spesialisá? I kon nan por yuda nos komunidat?
Pa investigá esaki, un kuestionario online kòrtiku a wòrdu desaroyá. Si bo a studia i awor ta traha den e área di investigashon sientifiko – òf si bo konosé hende ku ta hasi esaki – por fabor partisipá na e investigashon i yena e kuestionario. Bo ta mayor di un persona ku ta laborá den siensia? Informá nan tokante e kuestionario aki!
https://tinyurl.com/MappingCaribResearchers
Pa medio di boso partisipashon, nos por haña un bista general mas klá di e komunidat akadémiko Karibense eksistente. Esaki lo yuda trese klaridat i transparensha pa loke ta trata aktividatnan i esfuersonan den e área di siensia riba nos islanan.
